Nagsaka na sa 100,054 ang cumulative number of cases sang COVID-19 sa Western Visayas matapos nadugangan sang 746 subong nga adlaw, Agusto 25.
Nagapanguna ang Iloilo Province sa may pinakamataas nga new cases sa diin nagdangat sa 264 ang bag-o nga narekord.
Ang Aklan may yara sang 81 ka mga kaso, Antique nga may 66, Iloilo City nga may 116, Capiz nga may 63, Negros Occidental nga may 85, Bacolod City nga may 50 kag 21 naman sa Guimaras.
Sa subong, yara na sa 11,278 ang makabig nga active cases.
Sa bahin sang recoveries, 449 ang nagdugang sa rehiyon.
Sa mga napatay, 5 ang bag-o nga na-rekord; kun pahat-pahaton, isa diri ang halin sa probinsya sang Iloilo, duha sa Negros Occidental, kag duha man sa Bacolod City.
86,364 na ang kabug-usan nga numero sang reported recoveries, kag 2,388 naman ang reported deaths.
Kun pahat-pahaton naman ang active cases sa rehiyon:
Aklan – 1,049
Antique – 992
Capiz – 1,091
Guimaras – 397
Iloilo Province – 4,011
Negros Occidental – 1,331
Bacolod City – 903
Iloilo City – 1,504
