ILOILO– Nabuhinan sang walo ang biktima sang Dengue Hemorrhagic fever sa Probinsya sang Iloilo.
Sa interview sang Bombo Radyo kay Iloilo Governor Arthur Defensor Jr., iya ginpahayag nga halin sa nagligad nga data sang kaso nga 1,148 nabuhinan ini sang walo kag sa subong nahimo na lang ini nga 1,140.// Suno sa kay Defensor, nakahanda sila nga hatagan sang gilayon nga pagtamod ang mga pasyente.// Dugang pa sang gobernador, sa subong may yara na sang mga bag-o nga nurses, doctors kag mga medical assistants nga gin deploy sa mga tagsa ka banwa.
Nagpanugyan naman ang gobernador sa mga pumuluyo nga mag buylog sa ginapatigayon nga Do Day ukon clean up drive sa tagsa ka Sabado.
Ibalik man sang Department of Education ang Brigada Eskwela kontra Dengue kun sa diin prayoridad ang pagpanglimpyo sang mga eskwelahan nga pagabuylugan sang mga manunudlo, ginikanan, municipal kag barangay officials agud mas madasig nga mapunggan ang pagduging sang lamok nga may dala nga Dengue virus.
