Naglab-ot na sa 10,846 nga kaso sang dengue sa Iloilo ang na-record sang Iloilo Provincial Epidemiology and Surveillance Unit (PESU).
Sa interview sang Bombo Radyo kay Dr. Maria Socorro Quiñon, Head sang Iloilo Provincial Health Office, iya ginpahayag nga sa nasambit nga mga numero, 32 ang mga napatay bangud sa dengue.
Yara naman sa 17 ang mga napatay sa bulan sang Agosto kon sa diin, ginakabig man ini sang talatapan nga ‘peak’ sang amo nga balatian sa probinsya.
Suno kay Quiñon, apat ka mga indibidwal, ang nabalhag nga napatay sang bulang sang Setyembre kag Oktubre.
Samtang, subong naman nga Nobyembre, sa una nga semana pa lang, may isa na nga na-record nga napatay bangud man sang dengue.
Ginpahayag man sini nga wala pa nakaluwas ang probinsya sa threshold sang dengue apisar nga naganubo na ang mga kaso.
Nagpanugyan man ang talatapan nga dapat padayon nga gina-practice ang 4S strategies nga ginakabug-usan sang “Search and Destroy”, “Secure Self Protection”, “Seek Early Consultation” kag “Say Yes to Fogging” agud nga malikawan ang makamamatay nga balatian.
