Naglab-ot na sa 227 ka mga dengue cases ang na-record sang Iloilo City Health Office kag isa diri ang patay.
Sa interview sang Bombo Radyo kay Dr. Jan Reygine Ansino-Hortinela, Medical Officer III sang the City Epidemiology and Surveillance Unit (ICESU), iya ginpahayag nga sa 227 ka mga kaso, isa na ang napatay nga lalaki sang Pebrero, 45-anyos kag residente sang Barangay Zamora-Melliza, Iloilo City.
Suno kay Hortinela, sa mga nabalhag nga kaso, distrito sang Jaro ang may pinakamadamo nga kaso kung sa diin, base sa Morbidity Week 24 humalin sang Enero 1 tubtob Hunyo 14 subong nga tuig:
- Barangay M.V Hechanova, Jaro nga may 11 ka kaso,
- Tabuc Suba, Jaro-10
- Sooc, Arevalo- 9
- San Juan, Molo- 7
- Santo Niño Sur, Arevalo-6
Nagpanugyan man ang ICHO nga padayunon ang 5S strategy kontra dengue- Search and destroy, Self-protection measures, Seeking early consultation, Support fogging or spraying during outbreaks, and Sustained hydration.
