ILOILO – Padayon nga nagataas ang dengue cases sa Iloilo sa diin anom na ang narekord nga patay.
Sa interview sang Bombo Radyo kay Dr. Rodney R. Labis, chief sang Health Service Delivery Division sang Iloilo Provincial Health Office (IPHO), iya ginpahayag nga 43 na mga banwa lakip na ang component city nga Passi ang nakitaan sang pagtaas sang dengue cases kung ipaanggid sang nagligad nga tuig.
Suno kay Labis, humalin sang Enero tubtob Hulyo subong nga tuig, nakarekord na ang probinsya sang 2,493 nga dengue cases.
Ini ang mas mataas sang 160% kun ipaanggid sa kaangay nga period sang nagligad nga tuig.
Nakarekord man suno sa iya sang dengue-related fatalities halin sa banwa sang Badiangan, Miagao kag Lambunao.
Sa pihak sang pagtaas sang kaso sang dengue, malayo sa gihapon ini sa epidemic kag alert thresholds.
Ginpahayag sini nga naobserbahan ang pagtaas sang dengue fever sa Iloilo subong nga Hulyo sa edad nga 1 tubtob 10 year old kag 11 tubtob 20 years old.
Apang gin-athag sini nga malayo pa ang probinsya sa dengue outbreak.
