ILOILO CITY- 19 na ang kaso sang dengue hemorrhagic fever nga narecord sa Probinsya sang Iloilo sa una pa lang nga tatlo ka semana sang Enero 2022.
Sa interview sang Bombo Radyo kay Jennifer Oñate, Health Education Promotion Officer II sang Iloilo Provincial Health Office (PHO), iya ginpahayag nga sa amo nga kaso,duha na ang napatay.
Base sa data sang PHO, yari ang mga banwa nga may narecord nga dengue cases:
1.Guimbal- 5 (1 ang patay)
2.Sara- 3
3.Concepion- 2
4.Igbaras- 2( 1 ang patay)
5.Miagao- 1
6.Ajuy- 1
7.Oton- 1
8.San Joaquin- 1
9.Lambunao- 1
10.Tigbauan- 1
Suno kay Oñate, ang trend sang dengue cases amo nga nagataas ini kada tatlo ka tuig sa diin ulihi nga nagtaas ini sang 2019 gani ginalauman nga amo man ang matabo subong nga 2022.
Pahayag sang natungdan, padayon man ang kampanya sang probinsya paagi sa pagpatigayon sang Limpyo Iloilo kag iban pa nga aktibidad agud nga matapna ang pagduging sang dengue.
