Kapin sa 21,000 ka mga kaso sang dengue ang narekord sa bug-os nga pungsod halin sang Sept. 29 tubtob Oktubre 12—isa ka pagnubo sang 8% gikan sa monitoring period duha ka semana antes sini.
Suno sa Department of Health (DOH), nagnubo sa 21,097 ang bag-o nga kaso sang dengue gikan sa 23,032 nga na-log sang Sept. 15-28. Ini ang nagdala sang kabug-usan nga caseload tubtob subong nga tuig sa 314,785.
Ang numero sang mga tawo nga napatay bangud sa dengue nagnubo man, nga may case fatality rate nga 0.26% sang Oktubre 26, kumpara sa 0.34% sa amo man nga panahon sang nagligad nga tuig.
Suno sa DOH, ang mga rehiyon nga bag-o lang naka-record sang pagsaka sang kaso sang dengue amo ang: National Capital Region nga halin sa 2,765 ka kaso naglab-ot na sa 3,002 ka kaso; Central Luzon nga halin sa 2,219 ka kaso pakadto sa 2,351 ka kaso; kag Calabarzon nga halin sa 2,907 ka kaso naglab-ot na sa 3,513 ka kaso.
