ILOILO – Nagnubo ang kaso sang dengue hemorrhagic fever sa probinsya sang Iloilo.
Sa interview sang Bombo Radyo kay Iloilo Gov. Arthur Toto Defensor Jr., iya ginpahayag nga kahapon nga adlaw, 250 na lang ang na rekord nga mga dengue patients nagikan sa 315 sang Setyembre 1.
Suno kay Defensor, indi bangud nga nagnubo ang kaso sang dengue, maga-untat na man ang kampanya sang tagsa ka mga kabanwahanan.
Naghingyo ang gobernador sa mga alkalde sang banwa nga ilunsyar sa liwat ang 4 o’clock habit agud nga mapabilin kag apadayon sa gihapon ang pagtapna sa mga lamok nga may dala sang nasambit nga balatian.
Dugang pa sang gobernador, Setyembre 23 ang natalana nga adlaw agud nga ilunsyar liwat ang 4 o’clock habit.
Nagpasalig man ang rural health officers nga padayon nga magabulig sa kampanya sang probinsya.
