ILOILO CITY–Nagtaas ang kaso sang nagkalamatay bangud sa balatian nga dengue sa syudad sang Iloilo.
Sa interview sang Bombo Radyo kay City Health Officer Dr. Bernard Caspe, ginpahayag sini nga subong nga 2018, nagdangat sa 160 ang nabiktima sang dengue sa diin isa ang napatay.
Ini ang mas mataas kun ipaangid sa nabalhag sang 2017 nga may 124 ka mga kaso sa kaangay man nga quarter.
Suno kay Caspe, isa sa mga rason sa pagduging sang dengue amo ang masami nga pag ulan kag pagbaha.
Nagpatigayon naman sang fogging ang City Health Office sa mga barangay agud mapatay ang mga larva.