Wala sa gihapon ma-identify sang kapulisan ang ginaalegar tatlo ka mga indibidwal nga may tuyo nga mag- abduct sa 11-anyos nga lalaki sa Barangay Capaliz,Dumangas, Iloilo.
Sa interview sang Bombo Radyo kay Police Major Kenn Albert Lepsia, Chief of Police sang Dumangas Municipal Police Station, iya ginpahayag nga naligaran pa sang pila ka adlaw antes nga nakapanugid ang bata rason nga ulihi naman nakaresponde ang kapulisan.
Suno kay Lepsia kag santo sa panaysayon sang bilktima, gindulogan siya sang isa ka motorsiklo kag ginpanaogan sang tatlo ka mga kalalakihan kag ginlagas.
Nag-untat na lang ang paglagsanay sang biktima kag ginapahayag tatlo ka mga kalalakihan sang may nakakita sa ila.
Gintuad man sang biktima nga may bonnet ang mga kalalakihan.
Ginpahayag man ni Lepsia nga wala nakitaan sang amay sang 11-anyos nga bata sang pagbag-o sa pamatasan sini kasunod sang natabo.
Ginalantaw naman sang otoridad ang madamo nga posibilidad sa natabo nga incidente kon sa diin, nagapati si Lepsia nga kon matuod ang natabo, wala na kontani nakapalagyo ang biktima sa tatlo ka kalalakihan.
Para sa Dumangas PNP, isa lamang ka alegasyon kag madamo sang posible mahimo nga ihuna-huna sang 11-anyos nga bata.
Agud sigurohon naman ang seguridad sa lugar, may ginapalibot na nga police patrol.
