ILOILO CITY – Na-alarma ang Iloilo Police Provincial Office (IPPO) sa nagasaka nga kaso sang suicide sa probinsya sang Iloilo sa sulod sang una nga tatlo ka bulan subong nga tuig.
Sa interview sang Bombo Radyo kay PMSgt. Francisco Lindero Jr., spokesperson sang IPPO, iya ginpahayag nga subong nga tuig, may yara sang 25 ka mga suicide incidents sa probinsya, mas mataas kun ikumpara sa record sang nagligad nga tuig sa amo man nga period.
Sa amo nga data, 12 ang ginabug-usan sang naga-edad 17-35 anyos kun sa diin, ang rason amo ang paghigugma.
Dugang pa ni Lindero, malala nga sitwasyon sang ikaayong lawas ang rason sang mga naga-edad 45-anyos kag pataas kun ngaa nga nagakomiter sang suicide.
