Nagnubo ang kaso sang Violence Against Women and Children (VAWC) sa Western Visayas suno sa Women and Children Protection Desk (WCPD) sang Police Regional Office 6.
Santo sa data sang talatapan, sang Enero tubtob Pebrero 2024, may yara sang 233 ka mga kaso sang Violence against Children (VAC) nga nagnuba sa 136 subong nga tuig.
Sa bahin sang Violence Against Women, 215 ka mga kaso ang na-record sang nagligad nga tuig kag 127 naman subong nga tuig.
Sa interview sang Bombo Rado kay Police Captain Jolly Baylon Canindo, chief sang WCPD 6, iya ginpahayag nga sa amo nga mga kaso sang VAWC, nagapanguna diri ang physical, emotional and psychological abuse.
Suno kay Canindo, sa pag-conduct sang prevention sa VAWC sa bahin sang mga kapulisan, nagapatuman sang awareness campaign online, community engagement kag simultaneous implementation sang warrant of arrest under RA 8353 ukon Anti-Rape Law of 1997 kag other related cases.
Sa amo nga tikang, may ara sang 51 ka mga wanted person ang naaresto nga may kaso nga rape sa bilog nga rehiyon.
Lakip man diri ang padayon nga advocacy program kag pag presentar sang best practices sang WCPD investigators.
Dugang ni Canindo, sa bulig sang social media, sa mga nabaton nila nga reports natuhoy sa missing minors, isa ini ka pamaagi nga magadugang sa ila ihibalo kag pagpatuman sang immediate investigation.
