Ipasaka na subong nga adlaw ni DSWD Secretary Rex Gatchalian sa Office of the Ombudsman ang kaso batok sa 14 ka barangay officials sa Iloilo City nga ginaalegar nga nagbuhin sang ayuda para sa mga benepisyaryo sang Assistance to Individuals in Crisis Situation (AICS).
Nag-ugat ang kaso sa reklamo sang mga benepisyaryo nga may mga opisyal nga nagbuhin sang P8,000 tubtob P9,000 gikan sa P10,000 nga ayuda rason nga yara na lang sa P1,000-P2,000 ang ila madala pauli.
Matandaan nga kadam-an sa mga nagreklamo ang halin sa distrito sang Jaro kag Arevalo.
Suno kay Gatchalian, ang mga indibidwal nga involved sa kaso ang nagalakip sang punong barangay, kagawad, treasurer, kag iban nga appointed officials.
