Gin-athag sang Palasyo nga wala sang kaangtanan si Public Works Secretary Vince Dizon sa kontrobersiya sa 2019 Southeast Asian Games bangud naimbestigahan na siya sang una kag napamatud-an nga wala sang sala.
Si Dizon ang presidente kag chief executive officer sang Bases Conversion and Development Authority ukon BCDA sang ginpatindog ang New Clark City Sports Complex nga isa sa mga nagapanguna nga venue sang 2019 SEA Games.
“Sa ating pagkakaalam, hindi naimbestigahan sila Sen. Alan Cayetano, at the time ay Speaker of the House. Hindi naimbestigahan ‘yung ibang mga maaaring mabanggit dahil sa ating pagkakaalam, ang dating Pangulong Duterte ay nilinis na agad si Sen. Alan Cayetano at the time kahit wala pang umaandar na pag-iimbestiga,” suno kay Palace Press Officer Atty. Claire Castro.
Ginkumpirmar man sang Ombudsman nga na-dismiss na ang kaso batok kay Dizon nga may kaangtanan sa konstruksyon sang mga pasilidad para sa amo nga hinampang.
Suno kay Assistant Ombudsman Mico Clavano, ang desisyon nga i-dismiss ang kaso batok kay Dizon ang yara sa isa ka joint resolution nga ginpaguwa sang Disyembre 2021 kasunod sang kakulangan sang ebidensya.
“Upon checking the records of this case, it appears that the case filed against Sec. Vince Dizon, etc. regarding the construction of the sports facilities for the 2019 SEA Games has been dismissed for insufficiency of evidence,” suno kay Clavano.
Nabukaran pati si Dizon sa isyu sang ginpahayag ni National Bureau of Investigation (NBI) Director Melvin Matibag nga imbestigaran nila ang alleged anomalies sa bidding kag funding sang mga proyekto sa 2019 SEA Games.
Si Senator Alan Peter Cayetano amo ang former chairman sang Philippine Southeast Asian Games Organizing Committee (PHISGOC).
Gilayon siya nga nagwangal kag nagsiling nga nagatuyo ang imbestigasyon nga i-intimidate ang mga senator-judge sa Senate impeachment court ilabi na nga magapungko si Matibag bilang witness sang prosekusyon sa masunod nga semana.#
