Indi malikawan nga makabatyag sang kasubo kag kun kaisa nagahibi pa ang isa ka amay nga Overseas Filipino Worker (OFW) nga nagatrabaho bilang driver sa Saudi Arabia bangud sa kahidlaw nga makaupod ang iya pamilya.
Sa interview sang Bombo Radyo kay Johngie Temblador, apat na ka tuig nga nagatrabaho sa luwas sang pungsod, iya ginpahayag nga apisar layo siya sa iya duha ka mga anak, ginatinguhaan niya sa gihapon nga maistorya ini pinaagi sa social media.
Antes man magkadto sa trabaho si Temblador, nagatawag gid siya sa iya nga asawa — aga man ukon hapon.
Ginahatagan man niya sang oras nga laygayan ang iya mga kabataan agud nga bisan wala man ang iya presensya sa tupad sang iya mga anak, mabatyagan nila sa gihapon nga naga-ulikid ang ila amay.
