Pirmado na sang Pilipinas ang tuman ka importante nga kasugtanan kaupod ang South Korea sa paggasto sang tukuron nga Panay-Guimaras-Negros Island Bridges Project.
Ginpirmahan ni Finance Secretary Ralph G. Recto ang kasugtanan kaupod kay South Korean Deputy Prime Minister Choi Sang-mok.
Mismo sanday President Ferdinand Marcos Jr. kag South Korean President Yoon Suk Yeol ang nagsaksi sa pagpirma sa kasugtanan sang nagbisita si Yoon sa Pilipinas.
Ang nasambit nga proyekto ang ginalauman nga maumpisahan sa tunga- tunga sang 2025 kag matapos sa 2031.
Ini nagalakip sang pagpaubra sang duha ka four-lanes nga taytay nga nagalaba sang 32.47 kilometers.
Ini ang may kabilugan nga gasto nga PHP 187.54 billion, sa diin pondohan sang Export-Import Bank of Korea (KEXIM) ang detalyado nga engineering design paagi sa kapin PHP 3.21 billion nga loan.
