Magalawig tubtub sa Oktubre 9 ang ginapatuman nga gun ban nga may kaangtanan sa filing sang certificate of candidacy (COC) sa bilog nga pungsod.
Nag-umpisa ang gun ban sang Septyembre 30 sang gab-i agud mapat-od nga malikawan ang firearms-related incidents.
Sa interview sang Bombo Radyo kay Pol. Lt. Col. Arnel Solis, spokesperson sang Police Regional Office (PRO) VI, iya ginpahayag nga ang exempted lang sa gun ban amo ang mga pulis, myembro sang militar, kag mga naghalin sa law enforcement agencies nga may yara sang official duties.
Kinahanglan man nakasuksok ang mga ini sang agency prescribed uniforms agud mapahanugutan nga makadala sang armas-luthang.
Wala man ginapahanugutan ang private individuals ukon mga guwardiya sang kandidato nga magdala sang pusil.
Ang pagpatuman sang gun ban ang sandig sa PNP Memorandum Circular nga “Guidelines and Procedures in Securing the Conduct of the 2022 National and Local Elections” kag sandig man sa letter request halin sa Commission on Elections (COMELEC).
