Ginkilala ang dalayawon nga performances sang pila ka Filipino artists kadungan sang star-studded nga 2023 Asia Artist Awards (AAA) sa Philippine Arena sa Bulacan, Disyembre 14.
Lakip diri amo ang host-comedienne kag actress nga si Melai Cantiveros nga naka-upod sa popular nga South Korean TV kag movie stars nga sanday Kim Sejeong, Ahn Hyo Seop, Lee Dong Hwi, kag Lee Jun Hyuk nga palareho nga nagdaog sang Best Actor award.
Todo-hugyaw man ang fans sa 55,000-seater arena sang ginlawag sanday Kathryn Bernardo kag Daniel Padilla nga pareho nga nagdaog sang AAA Fabulous Award kaupod sa NewJeans, Stray Kids, kag Lim Young Woong.
Apisar preska pa ang kumpirmasyon sa ila nga breakup, magkaupod ang duha sa event, dungan nga nagsaka sa stage, apang separado nga naghatag sang ila acceptance speeches.
“It’s my first time attending this and nakaka-proud na bilang Pilipino, tayo yung nagho-host sa ganitong event. Also, I want to take this opportunity to thank everybody who’s supporting Filipino-made TV series and as well as movies. Patapos na yung taon, but I feel so blessed and I’m sharing this award with all of you. Maraming-maraming salamat po,” kabahin sang speech ni Bernardo.
Big winner man sanday Pablo, Josh, Stell, Ken, kag Justin sang P-Pop supergroup nga SB19 nga nagkuha ang duha ka awards — ang AAA Best Artist (Singer) kag AAA Hot Trend.
Ginkilala man ang rising P-pop boy group nga HORI7ON bilang AAA Focus awardee.
Nagpangibabaw man ang grupo ang Filipino folk pop band nga BEN&BEN nga nagdaog sang AAA Best Choice Award.
Ini ang labing-una nga tion nga ginpatigayon sa Pilipinas ang AAA — isa ka popular awards show nga nagakilala sang excellence sa music, television, film kag online content creation sa Asya.#
