Tatlo ka pelikula ang kasakuan sang aktres nga si Kathryn Bernardo lakip na ang reunion project kaupod sa iya boyfriend nga amo ang singer-actor nga si Daniel Padilla.
Sa ika-27 nga kaadlawan ni Kathryn, gin-anunsyo man nga maga-bida siya sa “A Very Good Girl” film kaupod kay Golden Globe nominee Dolly De Leon kag iga-direct ni Petersen Vargas.
Isa ini ka dark comedy genre kag yara man si Marionne Dominique Mancol bilang screenwriter, Carmi Raymundo bilang creative manager, kag Daniel Saniana bilang creative supervisor.
Maga-reunite man si Kath sa veteran filmmaker nga si Olivia Lamasan matapos ang ila madinalag-on nga pag-updanay sa proyekto sa “Barcelona: A Love Untold” sang 2016.
Ang ila nga reunion project amo ang historical action-drama film nga “Elena 1944” nga amo ang istorya sang comfort women sang tion sang Japanese occupation sa Pilipinas.
Ginkumpirma man ni Kath nga ang iya nga reunion film upod kay Daniel ang iga-shoot pagkatapos sang “A Very Good Girl”, apang wala pa sini gin-detalye ang iban nga bahin sang pelikula. ##
