ILOILO CITY – Nakapyansa na ang katunga sang mga nadakpan sa drug buy-bust operation sa Barangay Bakhaw, Mandurriao, Iloilo City.
Sa interview sang Bombo Radyo kay Police Lieutenant Joebert Amado, deputy station commander sang Mandurriao Police Station, iya ginpahayag nga 16 na ang nakatigayon nga makapyansa nga lunsay may kaso nga paglapas sa Article II, Section 7 sang Republic Act No. 9165 ukon visiting drug den.
Ang pyansa ang nagdangat sa P200, 000 sa tagsa ka indibidwal.
Ang nabilin naman nga 16 ang yara sa gihapon sa kustodiya sang Mandurriao Police Station kun sa diin, lakip na diri ang tatlo ka mga high value individuals.
Kung madumduman, sang Enero 26, arestado ang 32 ka mga indibidwal sa ginpatigayon nga drug buy-bust operation sang Regional Police Drug Enforcement Unit Region VI sa isa ka drug den sa Barangay Bakhaw, Mandurriao, Iloilo City.
