Kun gintukso sang defense counsel nga si Atty. Nicholas Kaufman ang mainstream media sa Pilipinas sa iya opening statement, wala pa ini natapos, bangud ginpuntariya sini liwat ang media sa iya closing statement sa ulihi nga adlaw sang confirmation hearing.
Ginmuno sang abogado kun paano gina-report sang media ang iya presentasyon sa International Criminal Court (ICC).
Pahayag sini, ginapaguwa sang journalists nga nagahimo siya sang iya nga “political speech” kag kulang sa “substance” ang iya nga mga argumento.
“When I argue that there has been interference in this case at the highest level, relying not on documentation that I have invented, but on documentation given to me by the prosecution as exonerating, they say I’m making a political speech, and that my defense lacks substance,” suno kay Kaufman.
“And when I devote more time than the prosecution and the victims together to legal arguments and challenging the evidence, they say I’m nitpicking,” dugang niya.
Pahayag sini, maayo na lang bangud may yara sang Pre-Trial Chamber I nga amo suno sa iya ang naga-apresyar sang “presumption of innocence” kag amo ang naga-usisa sang maayo sa mga ebidensya.
Matandaan nga sa iya imbukada nga statement sang Lunes, nagpahayag si Kaufman nga ginapili lang sang media ang kontrobersyal nga mga parte sang speeches ni Duterte, kag gina-utod naman ang mga porsyon sang iya pahayag nga indi na interesante.
Pebrero 28 sang nagtakop ang confirmation of charges hearing batok kay Duterte. May 60 ka adlaw ang judges agud magdesisyon kun ano ang himuon kasunod sang mga argumento kag presentasyon sang defense, prosecution, kag common legal representatives sang drug war victims.#
