GUIMARAS – Ginransak ang principal’s office sa Nueva Valencia Central School sa Nueva Valencia, Guimaras.
Sa interview sang Bombo Radyo kay Nora Gentizon, isa ka manunudlo sa nasambit nga eskwelahan, iya ginpahayag nga nag-agi sa kisame ang kawatan.
Apang bangud gabok na ang kisame, nadagdag ini kag nagtupa sa lamesa.
Suno kay Gentizon, ginpang-ukay sang kawatan ang mga drawer kag bangud madulom ang lugar, wala man ini nakakuha sang mga importante nga mga kagamitan.
Ang nadula lamang suno sa iya, amo ang mga tools kaangay sang plies, screw driver nga ginapahayag gingamit pa sa pagbukas sang mga drawers.
Sa subong, wala pa sa gihapon matumod ang identity sang suspek.
