Madamo ang naham-ot sa natabo sa isa ka kawatan nga wala pa gani nakabuylo sa iya plano nga magpangtaban sang gamit sang iban, pero nadakpan na!
Natabo ini sa Yunnan province sa China sang ginsulod sang lalaki nga si Yeng ang isa ka balay.
Nag-alang-alang ini sa iya plano nga magpangawat bangud nabatian sini nga may naga-istorya nga mga tawo sa sulod sang puluy-an.
Gani ang iya ginhimo, nagkadto siya sa lain nga hulot kag didto naghulat nga makatulog ang tag-iya sang balay.
Samtang nagahulat, nagpanigarilyo pa ini kag wala ini nakamulalong nga napiyungan siya kag natulugan.
Sang ulihi, nadisturbo naman ang tag-iya sang balay bangud may nabatian ini nga matunog nga paghuragok.
Photo: BNN Breaking
Sang una, abi niya iya lang ini sang ila nga kasilingan, apang sang nagbangon siya agud maghugas sang milk bottle sang iya bata, nagtunog ang huragok kag sang iya ginpalapitan, baw didto nadakpan si Yeng nga nagatulog sa salog!
Gintawag ang pulis, gindakop ang lalaki, kag natukiban nga napreso man gali ini sang 2022 bangud sa iya pagpangawat.
Septyembre lamang sini nga 2023 sang nakaguwa ini sa presuhan apang amo na lang ang pagka-dismaya sang pulis sang nakit-an nga nagbalik naman ini sa iya daan nga propesyon sa pagtaban sang propiedad sang iban.
