ILOILO CITY- Patay ang ginapahayag katawan matapos nakuryente sa balay nga iya ginsulod.
Ginkilala ini nga si Julie Billiones,39 anyos, residente sang Purok 2, Zaragosa, Balasan, Iloilo.
Sa interview sang Bombo Radyo kay Police Lt. Rian Ampuyos, Deputy Chief of Police sang Balasan Municipal Police Station, iya ginpahayag nga nasapwan na lang sang tag-iya sang balay nga si Cheska dela Cruz nga nagahapa na sa ila kusina kag wala sang kabuhi ang nasambit nga lalaki.
Suno kay Ampuyos, santo sa ila imbestigasyon, nagsulod ang lalaki paagi sa pagtukis sa kawayan nga nagaserbi dingding sa kusina sang balay kag ginkuha ang isa ka tv plus box.
Ginpahayag sang natungdan nga sang manuggwa na, natandog niya ang isa ka open wire kag bangud basa man ang lawas sang lalaki, dalayon gid ini nga nakuryente.
