Nag-withdraw na sa Team USA ang Los Angeles Clippers star nga si Kawhi Leonard samtang nga padayon ang preparasyon para sa nagahilapit nga Paris Olympics.
Pahayag sang USA Basketball, pila ka semana na nga naga-upod sa practice si Kawhi kag handa na ini nga mag-compete. Apang ginpahayag nga gintahod sini ang desisyon sang organisasyon kag Clippers nga mas ituon na lang ang atensyon sa pag-preparar para sa upcoming season sa baylo nga magpasakop sa Olympic games.
68 ka hampang sa 2023-2024 NBA regular season ang ginpasakupan ni Kawhi samtang nga naga-suprer sang chronic knee soreness kag inflammation.
Nagpakigbahin man ini sa practice sang Team USA apang nakit-an sini mismo kag sang staff nga mabudlayan gid ang iya tuhod kag indi mahatag ang 100% sa Olympic tournament.
Sunod man nga gin-anunsyo sang Team USA nga buslan sang Boston Celtics star nga si Derrick White ang slot ni Kawhi.
Isa pa sa ginakahangaw-an sa team amo ang Philadelphia 76ers star kag anay NBA MVP nga si Joel Embiid apang ginpahayag sini nga handa siya para sa Olympiada.
Sa group phase sa Olympics nga magasugod sa Hulyo 28 sa France, makasumpong sang USA ang Serbia nga pangunahan sang isa pa ka anay MVP nga si Nikola Jokic; South Sudan; kag Puerto Rico.
