Makabaton sang pinakadako nga incentives halin sa Philippine Sports Commission (PSC) ang Filipino swimmer nga si Kayla Sanchez.
Ini matapos ang iya madinalag-on nga pagtiglawas para sa Pilipinas sa 2025 Southeast Asian Games nga ginhiwat sa Thailand.
Si Sanchez ang nakahakot sang kabug-osan nga tatlo ka gold kag lima ka silver medals.
(SEA GAMES)
Sandig sa Republic Act 10699, ang kada Filipino athlete nga makakuha sang gold medal sa SEA Games ang may batunon nga P300,000, P150,000 naman para sa silver medal, kag P60,000 para sa bronze medal.
Bangud sini, yara sa masobra P1.2 million ang ihatag sang PSC kay Sanchez.
Samtang, ginpahayag sang komisyon nga naglab-ot sa P35,190,000 ang kabug-osan nga kantidad sang incentives nga ipanagtag sa 277 ka mga atleta nga nakakuha sang medalya para sa Pilipinas sa amo nga kompetisyon.
