Ginbulgar sang self-confessed drug lord nga si Kerwin Espinosa nga si former Philippine National Police (PNP) chief kag subong Senator Ronald Bato Dela Rosa ang nagpilit sa iya agud ulamiron sanday anay senador Atty. Leila de Lima kag Cebu-based businessman Peter Lim sa iligal nga droga sa Pilipinas.
Ginhimo ini ni Espinosa sa ikawalo nga hearing sang House quad-committee subong nga Biyernes, Oktubre 11.
Suno kay Espinosa, yara sila sa sulod sang salakyan sang ginpahog ni Dela Rosa.
Ginpahayag sini nga sa tion nga indi siya magsunod sa mando ni Dela Rosa madangatan man niya ang natabo sa iya amay nga si Albuera, Leyte Mayor Rolando Espinosa Sr., nga ginpinatay sa sulod sang Baybay City Provincial Jail sa Leyte sang Nobyembre 5, 2016.
