Opisyal na nga ginsuguran sang Gilas Pilipinas star nga si Kevin Quiambao ang paghanas para malab-ot ang iya target sa National Basketball Association (NBA) Summer League.
Nag-abot si Quiambao sa Sacramento sa California, USA agud tinguhaan nga makaupod sa team sang Kings.
Nagahanas ang two-time UAAP MVP kaupod ang Filipino coach nga si Jimmy Alapag nga kilala sa PBA kag subong amo ang strength and conditioning coach sang Kings.
Nahibaluan nga napaidalom ang 6-foot-7 forward sa kontrata sa Skygunners sa Korean Basketball League, apang ginpasugtan siya nga maghanas para sa NBA.
Una nga magahampang ang Kings sa NBA Summer League sa Hulyo 11 sa Las Vegas, Nevada.
