Nagahimo sang mga inisyatibo ang key government agencies sa pagpabaskog sang implementasyon sang bag-o lang ginpatuman nga Anti-Agricultural Economic Sabotage (AES) Act.
Lakip na ang Department of Agriculture (DA), nga nagahimo subong sang Daily Price Index paagi sa regular nga pagbantay sa merkado kag presyo agud masiguro nga ang mga presyo nagapabilin sa sulod sang reasonable range.
Sa pihak nga bahin, naglunsar sang special task force ang Philippine National Police (PNP) agud pakigbatuan ang anti-agricultural smuggling activities.
Katapo sang Anti-Agricultural Economic Sabotage Council ang DA samtang kabahin sang Anti-Agricultural Economic Sabotage Enforcement Group ang PNP.
Ang AES Act, ukon Republic Act 12022, nagaklasipikar sang agricultural smuggling, hoarding, profiteering, kag engaging sa cartels nga ginakabig acts of economic sabotage.
Ang mga violators mahimo nga mapriso kag magmulta tubtob sa lima ka pilo sang balor sang mga butang nga involved. Ang tikang ginpirmahan nga mangin kasuguan sang Septyembre.
