Nagsungka sa pulis si Cavite 4th District representative Kiko Barzaga kagab-i, Abril 13, matapos nagpaguwa ang korte sang warrant of arrest kaangot sa kaso nga cyber libel nga ginpasaka batok sa iya.
Ang nag-isyu sang arrest warrant amo ang Makati Regional Trial Court Branch 147.
Inoras matapos sini, nagdiretso si Barzaga kaupod ang iya abogado sa officer in charge sang Dasmariñas Component City Police Station.
Sa kopya sang arrest warrant, nakit-an nga eight counts sang cyber libel ang gin-file batok sa kongresista. P48,000 ang pyansa kada count.
Nakapyansa man ang mamalidha pasado alas dies kagab-i kag gilayon nga gin-release.
Matandaan nga nagpasaka anay sang kaso ang tycoon nga si Enrique Razon batok sa neophyte congressman matapos gin-akusaran ni Barzaga ang billionaire nga nagapangsuhol sang myembro sang National Unity Party (NUP) nga iya former affiliation.
Wala sang ebidensya nga ginhatag si Barzaga, kag sang ulihi, nagpangayo man sang pasaylo sa iya ginhambal.#
