Kiko Pangilinan, nagpahayag nga insulto ang lihok sang China kay Teodoro

Isa ka insulto sa Pilipinas suno kay Senator Francis “Kiko” Pangilinan ang nangin tikang ukon gindagdag nga sanction sang People’s Republic of China batok kay Defense Secretary Gilberto Teodoro Jr.

Kasunod ini sang pag-ban sang China kay Teodoro kag sa iya pamilya nga makasulod sa mainland China, Hong Kong, kag Macau, matapos ginpahayag sang nasambit nga pungsod nga ang mga pahayag sang tiglikom ang naga-atake suno sa ila sa interes sang ila nasyon.

Nagapati si Pangilinan nga kinahanglan nga magpasaka sang formal protest ang Department of Foreign Affairs (DFA) bangud isa ini ka pagpang-atake sa sovereign decision sang Pilipinas ilabi na nga naka-base sa opisyal nga pagsulundan sang Pililpinas ang pahayag ni Teodoro.

Dugang pa sang senador, indi lang ini simple nga pagpang-atake kay Teodoro kun indi sa bilog gid nga pungsod sang Pilipinas.