Ginhatagan sang mataas nga pasidungog ang pila ka mga kilala nga personalidad sa National basketball Association (NBA) sa ginhiwat nga 2025 Naismith Memorial Basketball Hall of Fame sang Sabado, Setyembre 6 (oras sa Amerika).
Ginkilala bilang Naismith Memorial Hall of Fame amo sanday Carmelo Anthony kag Dwight Howard.
Suno kay Anthony, apisar wala siya nakakuha sang NBA championship, ginpabutyag ni Anthony nga may bilidhon siya nga kontribusyon sa kasaysayan sang basketball.
Si Dwight Howard, nga kaupod man ni Anthony sa 2008 U.S. Olympic “Redeem Team,” naghatag sang emosyonal nga speech kun sa diin ginpasidunggan niya ang iya pamilya, ilabi na ang iya iloy.
Kalakip man sa ginpasidunggan amo ang tatlo ka WNBA icons nga sanday Sue Bird, Maya Moore, kag Sylvia Fowles.
Ini ang labing una nga tion nga tatlo ka WNBA players ang dululungan nga gin-induct sa isa ka batch.
Nakompleto naman ang Hall of Fame Class of 2025 paagi kanday Billy Donovan (coach), Micky Arison (Miami Heat owner), kag Danny Crawford (NBA referee).
