Tanan nga tawo ang may yara sang ginakahadlukan, fears ukon phobia.
Ang iban mga insekto nga nagakamang, kadulom ukon madalom nga tubig ang ginakahangaw-an.
Apang sa United Kingdom, may isa ka 12 anyos nga solterito nga indi aswang ukon kalag ang ginakahadlukan kundi pagkaon.
Siya amo si Ashton Fisher kag isa na ka dekada nga nagamantinir sa pagkaon sang isa ka sahi sang puti nga tinapay kag fruit yogurt bag-o gin-diagnose nga may food phobia.
Suno kay Cara Fisher, iloy ni Ashton, humalin sang duha ka-tuig, naga-panic attack, ginakulbaan kag nagahibi ang iya nga anak kun pakan-on ini sang iban nga mga pagkaon magluwas sa banana yogurt kag slice sang white bread ukon tinapay.
Apisar indi pa matumod sang eksperto kun paano na-develop sang solterito ang tumalagsahon kag pinasahi nga kondisyon, nagapati naman ang iloy sini nga ang reflux sang iya anak humalin sang lapsag ang gintunaan sang iya food phobia.
