Dismayado ang Kilusang Mayo Uno-Panay sa nangin State of the Nation Address ni Presidente Rodrigo Duterte bangud wala napatpat ang parte sa sektor sang mamumugon.
Sa interview sang Bombo Radyo kay Charlie Penclara tagapamaba sang Kilusang Mayo Uno-Panay, wala nahatagan sang insakto nga pagtamod kag atensyon kag wala napadayon sang administrasyon ni Duterte ang ila kampanya nga tapuson ang Endo contractualization.
Suno sa iya, nagapakita lang ini nga wala sang ano man nga plano ang administrasyon sa sulod sang nabilin nga termino sang Presidente may kaangtanan sa mga mamumugon.
Dugang pa ni Penclara, isa ka rason sang kaimulon amo ang kakulangan sang ubra sang mga pilipino gani nagalaum sila nga mas mahatagan ini sang mas madamo nga atensyon agud matapos ang problema sang kaimulon.
Sa subong padayon ang paghugpong sang ila nga organisasyon agud ipakigbato ang pagtapos sang Endo contractualization kag mas mataas nga sweldo para sa mga mamumugon.
