Ginpakamalaon sang Malacañang ang Kilusang Mayo Uno (KMU) kag iban pa nga mga kaalyado nga grupo sa padayon nga pagpasibangod sang mga ini sa Duterte Administration sa akusasyon nga anti-poor kag anti-worker.
Ginpakigbahin ni Presidential Spokesman Atty. Salvador Panelo ang mga layi nga ginpirmahan ni Presidente Rodrigo Duterte para sa benepisyo sang mga mamumugon.
Pila sa mga layi amo ang RA 11165 ukon ang work from home law; pagpalawig sa maternity leave sang mga female workers ukon ang RA 11210; EO 51 nga nagahatag proteksiyon sa tenure nga mga mamumugon; paghatag sang gratuity pay sa mga job order kag contract service workers sa gobyerno pinaagi sang pag-iisyu sang Administrative Order No. 2 kag iban pa.
Ginpabugal man ni Panelo ang mga nahimo sang administrasyon para sa mga Overseas Filipino Worker sa diin na tiayon ang one-stop service center para sa 24/7 OverseasCommand Center.
