Ginpakigbahin sang TV host-actress nga si Kim Chiu nga mabug-at nga desisyon ang pagpasaka sini sang criminal case batok sa iya magulang nga si Lakambini Chiu matapos matukiban ang financial discrepancies sa ila negosyo.
Nagsubmit sang reklamo nga sword statement sa Office of the Assisstant City Prosecutor sa Quezon City si Kim kaupod ang iya mga abogado dala ang tanan nga dokumento kag ebidensya.
Suno sa iya legal counsel, ini nga kaso para sa qualified theft batok sa iya magulang.
Ginpahayag ni Kim nga mabudlay ang amo desisyon, apang matapos ang internal review nagdesisyon ini nga magfile bangud seryoso ini problema kag kinahanglan niya ini para sa transparency kag proteksyon sang iya negosyo, lakip na ang pangabuhian sang iya mga empleyado.
Gindugang pa sini nga pribado ini nga problema sang iya pamilya kag ginahimo niya ang legal nga proseso agud may mag-ako sang sala kag responsibilidad nga nabuhat sini.
Nagapangayo man ini sang respeto kag pag intindi sa ginapangatubang sini nga pagpanghangkat.
Nagalaom man ini nga paagi sa legal nga proseso matagaan sang kasanagan kag hustisya ang nasambit nga problema.
