Ginsulit ni North Korean leader Kim Jong nga handa ang ila pungsod nga maghatag sang “unconditional support” sa Russia agud nga ma-“resolba” ang kumplikto sini sa Ukraine.
Lakip ini sa ginpahayag ni Kim sang nagkitaay sila ni Russian Foreign Minister Sergei Lavrov sa Pyongyang.
Tatlo ka adlaw ang pagbisita sang diplomat sa North Korea. Nagkitaay sila sa Lavrov sa eastern coastal city sang Wonsan.
“Kim Jong Un reaffirmed the DPRK (Democratic People’s Republic of Korea) is ready to unconditionally support and encourage all the measures taken by the Russian leadership as regards the tackling of the root cause of the Ukrainian crisis,” santo sa report sang state news agency sang North Korea nga KCNA.
Matandaan nga nagsapol man anay si Lavrov sa iya North Korean counterpart nga si Choe Son Hui sa Wonsan. Nagpaguwa sila sang joint statement nga nagapasalig sang suporta agud nga ma-safeguard ang soberanya kag ang territorial integrity sang ila mga pungsod.
Nahibaluan nga nagpadala ang North Korea sang linibo nga mga soldado sa Russia agud magbulig sa gyera batok sa Ukraine nga nag-umpisa sang Pebrero 2022.
