Naka-abot na sa China si North Korean leader Kim Jong Un agud magtambong sa Victory Day parade sang Beijing sa selebrasyon sang ika-80 ka tuig sang pagtapos sang World War II.
Upod niya ang iya nga anak nga si Kim Jue Ae nga ginasiling nga amo ang magabulos sa iya sa puwesto.
Sakay sang iya bullet-proof train, ginbaton si Kim ni Chinese Foreign Minister Wang Yi.
Katapusan nga nagbisita si Kim sang 2019 sa pagselebrar sang ika-70 ka anibersaryo sang diplomatic ties sang duha ka pungsod.
Magaupod man sa amo nga aktibidad ang pila ka world leaders pareho kanday Russian President Vladimir Putin, mga lider sang Iran, Myanmar, Cuba kag madamo pa nga iban.
Antes pa man kay Kim, nauna na nga nagkit-anay sanday Putin kag Chinese President Xi Jinping agud nga pabakuron pa ang relasyon sang duha ka mga nasyon.#
