Nagpaandam si North Korean leader Kim Jong Un nga magabalos ini kag pabaskugon pa ang ila nga nuclear forces kasunod sang trilateral military cooperation nga ginhimo sang United States, Japan kag South Korea.
Suno kay Kim, nagpasaka sang tension sa rehiyon kag nangin pamahog sa ila seguridad ang pagpadala sang US sang nuclear strategic assets amo man ang war exercises kag military cooperation sini kaupod ang Tokyo kag Seoul.
Dugang sini, nangin mas agresibo pa ang war exercises sang tatlo ka mga nasyon ipaanggid sa ila ginhimo sang gin-kanselar anay ang diplomacy schedules bangud sa gamo sa pulitika.
Sa giyera naman sang Russia kag Ukraine, nagpahayag si Kim nga padayon ang ila pagsuporta sa kawsa sang Moscow nga depensahan ang ila teritoryo, seguridad, kag territorial integrity.
Sang Enero, matandaan nga nagpahayag ang South Koreans nga nagapreparar sila sa pagpadala sang dugang nga tropa sa Russia magluwas pa sa 11,000 nga nauna na nila gin-deploy agud magbulig sa giyera batok sa Kyiv.
