Na-diagnose si Kim Kardashian nga may yara sang brain aneurysm.
Ginsapubliko sang 45-anyos nga American media personality ang diagnosis kadungan ang teaser para sa seventh season sang reality show nga “The Kardashians.”
Indi pa klaro kun naga-eksperyensya siya sang sintomas, apang base sa latest season sang amo nga show, makit-an si Kim nga nagapaidalom sa imaging scan.
Sandig sa Mayo Clinic, ang brain aneurysm amo ang “bulge or ballooning” sa blood vessel sa utok sang tawo.
Madamo nga sahi sang brain aneurysms nga may nagkalain-lain nga lebel kun ano kalala kag ginalaragway ini nga kondisyon bilang “common.”
“If the brain aneurysm leaks or ruptures, it causes bleeding in the brain, known as a hemorrhagic stroke,” suno sa Mayo Clinic. “Brain aneurysms are common. But most brain aneurysms aren’t serious, especially if they’re small. Most brain aneurysms don’t rupture.”
Base sa mga pagtuon, pinaka-common ang brain aneurysms sa adults sa tunga-tunga sang edad nga 30 kag 60-anyos.#
