Naghagan-hagan na ang kinawatay sa Iloilo Terminal Market kasunod sang pagpasangkad sang koordinasyon sa mga kaiping nga barangay sang merkado.
Sa interview sang Bombo Radyo Joseph Cabudo, Presidente sang Iloilo Terminal Market, iya ginpahayag nga bangud sa pagkooperar sang mga barangay, mas napabaskog ang pagbantay sa merkado rason nga nagbuhin man ang insidente sang pagpangawat.
Suno kay Cabudo, kalabanan sa mga nagapangransak sang mga balaligya amo ang mga kabataan.
Ginpahayag man sini nga sa subong, ang tagsa na ka barangay mismo ang naga-control sa mga menor-de-edad paagi sa pagpasangkad sang curfew.
Aktibo naman ang Market Police nga nagalibot sa merkado agud nga mapabilin nga hilway sa kawatan ang Iloilo Terminal Market.
