ILOILO CITY – Opisyal na nga gin-proclaim bilang hari si Charles III pinaagi sa isa ka seremonya nga may trumpet fanfare kag gun salutes kasunod sang kamatayon ni Queen Elizabeth II.
Sa nangin speech sang hari, ginpangako niya nga mangin kaangay siya sang iya nga iloy kag magaserbe tubtob nga buhi ini.
Isa ka court official ang nag-declare sa bag-o nga hari bilang lawful kag rightful monarch nagikan sa balkonahe sang St James’s Palace matapos ang historic nga Accession Council meeting sang senior royals, clergy kag sang gobyerno.
Ang century-old tradition sang council ang gin-televise sa pinakauna nga tion sang gin-anunsiyo na ang 73- anyos nga si Charles bilang monarch.
Suno sa hari, nakahibalo siya sang iya duties kag tuman ka bug-at nga mga responsibilidad.
Dugang pa niya, sa pagbaton niya sang responsibilidad, tinguhaan niya nga mangin ehemplo.
Sa proclamation, walo ka mga trumpeters ang nag-upod nga ginsundan sang exciting nga paghugyaw para sa bag-o nga hari nagikan sa mga Coldstream Guards soldiers.
May yara man sang ceremonial kag simultaneous nga gun salutes sa bilog nga United Kingdom.
