Ginsuspendi sang Malacañang ang klase sa tanan nga lebel kag trabaho sa mga opisina sang gobyerno sa Western Visayas sa Hulyo 23, 2025, bangud sang padayon nga mabaskog nga ulan dala sang Habagat.
Base sa Memorandum Circular No. 90, apektado ang mga probinsya sang Iloilo, Capiz, Antique, Aklan, kag Guimaras, lakip pa ang pila ka lugar sa Luzon kag iban nga bahin sang Visayas.
Ginpasiguro man sang gobyerno nga ang mga ahensya nga may vital kag health services magapadayon sa operasyon agud masiguro ang serbisyo sa publiko.
Ang private sector ginbilin sa desisyon sang ila tagsa ka opisina kun magapatuman man sang suspensyon.
