ILOILO CITY–Ginkansela ang klase sa tanan nga level sa banwa sang Janiuay, Iloilo.
Sa interview sang Bombo Radyo kay Mayor Jose de Paula, iya ginpahayag nga tuman kabakog sang pagbubu sang ulan.
Suno sa alkalde, indi niya luyag nga mabutang sa peligro ang mga estudyante kag mga manunudlo.
Ginpahayag ni de Paula nga humalin kahapon, ginabantayan na niya ang lakat sang panahon kaupod sang Municipal Disaster Risk Reduction Management Office (MDRRMO).
Nakapanghanda naman ang banwa sang Janiuay sa paglaslas sang bagyo nga maga igo sa Pilipinas.
Dugang pa sang alkalde, mas maayo nga maghalong mag maghulag antes ang bagyo agud wala sang may matabo nga peligro.