Ginbuhinan sang 15-minutos ang klase sa elemetarya sa Brgy. Bitoon, Jaro, Iloilo City bangud sa tuman ka init nga tyempo nga nagadala sang mataas nga heat index.
Sa interview sang Bombo Radyo kay Amy Rafio Buenafe, principal sang Bitoon Elementary School, iya ginpahayag nga ang halin Kinder tubtob Grade 3, nagasugod ang klase alas-7 sa aga tubtob sa ala-11 sa udto.
Samtang, ang halin Grade 4 tubtob Grade 6, nagasugod ang klase,a alas-7 sa aga tubtob alas-11:30 sang udto.
Suno kay Buenafe, ang tikang nakasanto sa man department order sang talatapan.
Gin-athag man sini nga kon maglab-ot na sa 42 degrees Celsius ang heat index, naga-shift na sila sang modular modality.
Nagpasigurado man ang natungdan nga wala sang ma-miss nga lessons ang mga estudyante apisar sang pag-shift sang learning mode.
Nahibaluan nga una na nga nagpaguwa sang executive order si Iloilo City Mayor Jerry Treñas nga mahimo magakanselar sang klase kon magalab-ot sa 40 degrees Celsius.
