Magabalik na ang face-to-face classes sa syudad sang Iloilo subong nga adlaw, Nobyembre 26.
Base sa nangin rekomendasyon sang City Disaster Risk Reduction and Management Office (CDRRMO) kay Mayor Raisa Treñas, wala na sang suspension sang klase sa pribado kag pampubliko nga eskwelahan sa syudad matapos nga ginbawi na ang wind signal sa bug-os nga rehiyon.
Kun basehan ang Iloilo City Emergency Operations Center, 34 ka nga mga barangay ang nalubog sa baha kahapon kadungan ang mamunog nga pag-ulan dala ni Bagyo Verbena.
Walo diri ang ginbaha sa Mandurriao; walo sa Molo; lima sa La Paz; apat sa City Proper, tatlo sa Lapuz; duha sa Jaro; kag duha sa Arevalo.
117 naman ka mga indibidwal nagikan sa 32 ka mga pamilya ang gin-evacuate.
Sa alas singko sa kaagahon nga weather bulletin sang PAGASA, ulihi nakit-an ang sentro sang bagyo sa kalayuon nga 130 km nakatundan sang Coron, Palawan.
Dala sini ang kabaskugon sang hangin nga 85 km/h malapit sa sentro kag pagmadlos nga tubtub sa 105 km/h.
Magaguwa ini sa Philippine Area of Responsibility (PAR) buwas sa aga.
