ILOILO CITY – Nakanselar ang pang-hapon nga klase sang mga esudyante sa siyudad sang Iloilo bangud sang mga pag-ulan nga dulot sang habagat.
Sa ginpaguwa nga Executive Order no. 61 ni Iloilo City Mayor Jed Patrick, temprano nga ginpapuli ang mga estudyante matapos ideklarar sang alkalde nga wala sang klase sa tanan nga level sa pampubliko kag pribado nga eskuwelahan sa siyudad.
Mangin ang trabaho sang mga empleyado sa Iloilo City Hall ang tubtob lang alas-3:00 sang hapon agud temprano ang mga ini nga makapauli.
Nagtaas man ang tubig sa pila ka bahin sang siyudad, apang madasig man ini nga nag-subside.
Samtang naapektuhan mangin ang biyahe sang mga sakayan dagat nga nagabiyahe nagikan sa Iloilo padulong sa Guimaras, vice versa, bangud sang malain nga panahon.
Pila ka beses nga ginpauntat ang biyahe sang mga sakayan dagat kag ginabalik lang kun mag-untat ang ulan kag hangin.