CARLES, ILOILO – Temporaryo nga ginpauntat ang klase sa elementary kag high school sa Brgy. San Fernando, Carles, Iloilo bangud sa mataas nga numero sang Dengue cases.
Sa interview sang Bombo Radyo kay Mayor Siegfredo ‘Salagunting’ Betita, iya ginpahayag nga naglab-ot na sa 60 ang Dengue patients sa nasambit nga lugar rason nga iya nga ginmandu ang temporaryo nga pagpauntat sang klase.
Ginpahayag ni Betita, nagakahangawa ang mga ginikanan nga mahimo makagat sang lamok nga ‘carrier’ sang virus ang ila kabataan.
Bangud nga ginpauntat ang klase, mas mahatagan suno kay Mayor Betita sang ligwa ang pagpaninlo sa mga buluthu-an.
Sa subong, mas ginpasangkad nga information dessimination sa mga pumuluyo ang ginahimu sang Local Government Unit (LGU) agud nga matapna ang pagduging sang lamok.
