Ginmandu ni Iloilo Schools Division Superintendent Dr. Ernesto F. Servillon Jr. ang suspension sang face-to-face classes halin sa Kindergarten tubtub sa Senior High School sa tanan nga mga eskwelahan nga sakop sang first congressional district.
Suno sa Department of Education – Schools Division of Iloilo, ini nga tikang ang para masiguro nga safe ang kabataan kag mga personnel sa mga area nga naapektuhan sang linog.
“Following the recent magnitude 4.4 earthquake that affected areas within the First Congressional District of Iloilo, and in line with our commitment to ensuring the safety and well-being of all learners and school personnel, the Schools Division Superintendent Dr. Ernesto F. Servillon Jr. has ordered the suspension of face-to-face classes from Kindergarten to Senior High School in all schools within the first congressional district, effective immediately,” kabahin sang advisory.
“We appreciate your understanding and cooperation as we prioritize the safety of our children. For updates, please stay tuned to official channels or contact your school administration,” dugang sini.
Sa separado nga abiso ni Iloilo Governor Arthur Defensor, Jr., naghingyo ini sa mga eskwelahan, banwa, ospital, kag mga private spaces nga may high-rise structures nga i-assess ang structural integrity sang mga estruktura.
Nahibaluan nga ginpanubo sang Philippine Institute of Volcanology and Seismology (Phivolcs) sa 4.2 ang magnitude sang linog nga nagtay-og sa Guimbal, Iloilo 6:48 kaina sang aga.
4.4 magnitude ang una nga gin-report sang ahensya.
Tectonic in origin ang linog kag may kadalumon nga 15 kilometros.
Yari ang reported intensities:
Intensity IV – CITY OF ILOILO; Nueva Valencia, GUIMARAS
Intensity III – Guimbal, Miagao, and Oton, ILOILO
Instrumental Intensities:
Intensity III – Nueva Valencia, GUIMARAS
Intensity II – San Lorenzo, GUIMARAS; CITY OF ILOILO; City of Bago, NEGROS OCCIDENTAL
Intensity I – Culasi, ANTIQUE; City of La Carlota, NEGROS OCCIDENTAL
