PAVIA, ILOILO – Duha ka adlaw nga wala sang klase sa tanan nga pampubliko nga buluthu-an sa Pavia, Iloilo.
Ini ang may kaangtanan sa lihok sang Local Government Unit (LGU) sang Pavia agud nga matapna ang pagdamu sang lamok nga nagadala sang balati-an nga Dengue Hemmorrhagic Fever.
Santo sa ginpaguwa nga pahayag ni Mayor Luigi Gorriceta, wala sang klase umpisa subong tubtub buwas nga adlaw agud nga hatagan sang ligwa ang fogging ukon spraying sa mga buluthu-an.
Nakadepende naman sa tagdumalahan sang pribado nga buluthu-an kun ikansela man ang klase.
Nahibalu-an nga santo sa pinaka-ulihi nga data, duha ang patay bangud sa Dengue Hemmorrhagic Fever sa nasambit nga banwa.
